Black Suited Spiderman (MEDICOM Spiderman 3)

電影[蜘蛛俠3]5月1日在港上映,相關玩具也接踵而來,而近日推出的medicom RAH系列,應該算係史上最美(我覺得)而又好玩的Spiderman玩具(咁誇!?)
今次medicom為spiderman3 RAH系列推出了3款人偶,分別係 :
Spiderman(原色) , Black Suited Spiderman , Venom
而我選購的,當然是下一集/以後電影系列,多數冇得再出場的Black Suited Spiderman啦!
Black Suited Spiderman本身造型(電影版)有9成與原版相似(漫畫版好似冇網紋),以我所見只有心口蜘蛛logo有點不同。全身黑色非常有型及帶點神秘感,初見電影宣傳片時已被他吸引了,所以當medicom公佈3款玩具照時,我就決定買下它。
Medicom的Spiderman (原色)及Venom唔係唔型,但Spiderman原色版身上的藍色唔夠鮮明,色調較淡,而Venom電影造型上真係唔夠氣勢(頭部不錯,但身体不夠大件),雖然medicom把Venom造得不錯,面相也雕得入木3分,但我還是沒興趣買,唯有期望電影第4集有新造型。


說回我對這玩具的評價,今次的Black Suited Spiderman應該是用了[RAH301改]的素體,活動能力和外型就絕冇問題,但蜘蛛俠的戰衣非常緊身,非常fit(穿得實在非常好看),穿上人偶之後,活動能力大大減低了,尤其是上半身,我完全不敢把雙手舉高過肩部(我驚件衫爆線),衫身緊到把腰向左右轉及向前屈都有很強的”回彈作用”!而頭部比例好似較為細,能換的手部parts也非常少(最不滿)…一對拳頭都冇呀!陰公!而值得讚的是,戰衣本身的車功不錯,暗紋細緻清晰,衣料質地感覺華麗,QC也控制得不錯(起碼至今我未聽過其他網友說有問題),整體外型像真度極高,實在是一件不能錯個的作品。

PETER仔,你這一身打扮很像小偷

我好似第一次寫咁大段文字去分享對收藏品的評價,我自己本身讀書少(討厭學習的一群),文化水平,語文及寫作能力都好低(穢語能力極強),希望大家都睇得舒舒服服啦。
今次為這spiderman影相,發覺角度囉得唔好,經常影到頭大身細,post也很悶,希望大家能指教下。